Maxfiylik siyosati

Biz kimmiz

FotSpot’ni Bulalar Team yuritadi. Biz kichik jamoamiz: platformani o‘zimiz quramiz va o‘zimiz qo‘llab-quvvatlaymiz. Ma’lumotlaringiz haqidagi har qanday savol to‘g‘ridan-to‘g‘ri bizga keladi.

Qanday ma’lumot yig‘amiz

Faqat platforma ishlashi uchun zarur bo‘lganini yig‘amiz:

• Hisob ma’lumotlari: elektron pochta yoki telefon raqami, foydalanuvchi nomi, ism va familiya, profil rasmi. Google yoki Telegram orqali kirsangiz — o‘sha xizmat bizga tasdiqlangan pochtangizni yoki Telegram identifikatoringizni beradi.
• Futbolchi kartasi: ism, tug‘ilgan sana, jins, bo‘y va vazn, amplua, kuchli oyoq, o‘yin uslubi, viloyat va tuman, hamda o‘zingiz kiritgan statistikalar (o‘yinlar, gollar, uzatmalar).
• Videolar va suratlar: siz yuklagan kliplar va ularning muqova kadrlari.
• Texnik ma’lumot: seans yozuvlari — IP manzil, brauzer nomi va qurilma belgisi. Bu “qaysi qurilmalardan kirganman” ro‘yxatini ko‘rsatish va shubhali kirishni to‘xtatish uchun kerak.
• Moderatsiya yozuvlari: shikoyatlar va ular bo‘yicha qarorlar.

Bolalar va ota-onalar

FotSpot yosh futbolchilar uchun mo‘ljallangan. Tug‘ilgan sanani so‘raymiz, chunki ko‘rsatkichlar faqat bir yosh guruhi ichida taqqoslanadi — hech qachon boshqa yosh guruhlari bilan emas.

Agar bola 18 yoshga to‘lmagan bo‘lsa, hisobni ota-ona yoki vasiy bilan birga ochish va nima ommaga ko‘rinishini birga hal qilish kerak. Ota-ona yoki vasiy istalgan vaqtda bizga yozib, bolaning ma’lumotini ko‘rishi, tuzatishi yoki o‘chirishini so‘rashi mumkin.

Kim nimani ko‘radi

Futbolchi kartasi odatda ochiq: skautlar va akademiyalar sizni shuning uchun topadi. Sozlamalardagi “Yopiq hisob” tugmasi profilni ommaviy ro‘yxatlardan olib tashlaydi.

Video kliplar hech qachon ochiq havolaga ega bo‘lmaydi. Ular vaqtinchalik, muddati o‘tadigan imzolangan havola orqali beriladi — ya’ni klipni ko‘rish uchun ruxsat har safar tekshiriladi. Bu bolaning videosi internetda qaytarib bo‘lmaydigan doimiy manzilga ega bo‘lib qolmasligi uchun.

Profil rasmi va akademiya suratlari esa ochiq manzilga ega — ular e’lon qilish uchun mo‘ljallangan.

Nima uchun ishlatamiz

Ma’lumotni faqat platformani ishlatish uchun ishlatamiz: hisobingizga kirish, kartangizni ko‘rsatish, tavsiyalar va sinovlarni yuritish, bildirishnomalar yuborish, suiiste’molni to‘xtatish va xatoliklarni tuzatish.

Ma’lumotingizni sotmaymiz va reklama uchun uchinchi tomonlarga bermaymiz.

Kimga uzatiladi

Platformani ishlatish uchun bir nechta xizmatlardan foydalanamiz. Ular ma’lumotni faqat biz uchun saqlaydi yoki qayta ishlaydi:

• Cloudflare R2 — rasm va videolarni saqlash.
• Neon — ma’lumotlar bazasi.
• Upstash — vaqtinchalik kesh va navbat.
• Sentry — dasturdagi xatoliklarni qayd etish.
• Google va Telegram — faqat siz o‘sha tugma orqali kirsangiz.
• OpenStreetMap — akademiya xaritasi ko‘rsatilganda xarita rasmlari o‘sha xizmatdan olinadi.

Qancha muddat saqlaymiz

Hisobingiz mavjud ekan, karta va kliplaringiz saqlanadi. Yangi profil rasmi yuklasangiz, eskisi o‘chiriladi. Kirish seanslari muddati o‘tgach yoki chiqib ketganingizda bekor qilinadi.

Hisobni o‘chirishni so‘rasangiz, hisob va unga bog‘liq karta hamda kliplarni o‘chiramiz. Moderatsiya bo‘yicha ba’zi yozuvlar qonuniy va xavfsizlik sababli qolishi mumkin.

Sizning huquqingiz

Profilingizni istalgan vaqtda tahrirlashingiz, kliplarni o‘chirishingiz va hisobni “Yopiq” qilib qo‘yishingiz mumkin.

Hisobni o‘chirish so‘rov asosida bajariladi. Sozlamalar sahifasidagi “Hisobni o‘chirishni so‘rash” tugmasini bosing — so‘rov bizga tushadi, biz siz bilan bog‘lanamiz va hisobni kartangiz hamda kliplaringiz bilan birga o‘chiramiz.

Nega tugmaning o‘zi darhol o‘chirmaydi: o‘chirish qaytarilmaydi, va ko‘pincha odam butun hisobni emas, balki bitta klipni olib tashlashni yoki qidiruvda ko‘rinmaslikni xohlaydi. Suhbat buni aniqlaydi, tugma esa so‘ramaydi.

Ma’lumot nusxasini olish uchun [email protected] manziliga yozing.

O‘zgarishlar va bog‘lanish

Platforma o‘zgarsa, bu sahifani ham yangilaymiz va yuqoridagi sanani almashtiramiz.

Savollar, so‘rovlar va shikoyatlar uchun: [email protected]